मुख्य सचिव नियुक्तिप्रति असन्तुष्ट सचिवहरुले राजीनामा दिन थाले
unn.com.np
काठमाडौ, साउन १५ – सरकारले मुख्य सचिवमा लिलामणी पौडेललाई नियुक्त गरेपछि
असन्तुष्ट बनेका सचिवहरुले राजिनामा दिन थालेका छन् । सरकारी निर्णयबाट
असन्तुष्ट हुदै निर्वाचन आयोगका सचिव शंकरप्रसाद कोइराला, गृह सचिव शुशील
जंगवहादुर राणा र प्रधानमन्त्री तथा मन्त्रीपरिषद कार्यालयका कानुन सचिव
त्रिलोचन उप्रेतीले राजिनामा दिनुभएको हो ।
सरकारले वरिष्ठतालाई ध्यान नदिई मुख्य सचिवको बढुवा गरेको भन्दै उहाँहरुले
प्रधानमन्त्रीलाई राजिनामा बुझाउनु भएको छ । वरियाताक्रममा सवैभन्दा अघि
रहेका कोइरालाले सरकारले आफुभन्दा कनिष्ट ब्यक्तिलाई मुख्य सचिव बनाएकाले
समग्र निजामती प्रशासनको मनोबल कमजोर नहोस् भनेर आफूले राजीनामा दिएको
कोइरालाले बताउनुभयो । कोइरालाले बुझाएको राजीनामा पत्रमा सरकारको निर्णयले
कर्मचारी प्रशासन जस्तो अनुशासित, मर्यादित र व्यवसायी स्थायी संयन्त्र
कमजोर तुल्याएको उल्लेख छ ।
राणा र उप्रेतीले पनि सरकारी
निर्णयप्रति चित्त नबुझेकाले राजिनामा दिएको बताउनुभएको छ । लोकसेवा
आयोगका सचिव श्याम मैनालीले भने मंगलवार पत्रकार सम्मेलन गरि राजिनामा दिने
बताउनुभएको छ । बरिष्ठतामा आठौं नम्बरमा रहेका पौडेललाई सरकारले आइतवार
मुख्य सचिवमा नियुक्त गरेपछि असन्तुष्ट बनेका अरु सचिवले पनि राजिनामा दिने
मनस्थिति बनाएका छन् ।
0 comments:
Post a Comment